Brot úr ummælum

Jana var fødd ein summardag í 1966. Hon var fullborin, vigaði 7 pund, hevði ljóst hár og blá eygu. Men skjótt varnaðust foreldrini, at okkurt bilti henni. Tað bar ikki til at fáa eygnasamband við hana. Helena og Hanus fingu boðini, at Jana var menningartarnað, tá ið hon var fýra ár. Læknin segði eisini,at tey kundu senda hana á Rødbygaard. Hetta vildu Helena og Hanus ikki.

Ivan Niclasen, programmleiðari í Sjónvarpinum:
"Ein hjartanemandi søga."

Finn í Puntabyrgi:
"Bókin er ómetaliga væl skrivað. Hon er løtt at lesa og fangar eisini væl, so tá tú fyrst ert byrjaður, er tað sera ringt at sleppa henni."

Karin Kjølbro:
"Bókin er trúgv ímóti tí sum fór fram fyri nógvum árum síðani og lýsir tingini sum tey vóru." Karin Kjølbro arbeiddi sum sosialráðgevi og tók stig til at stovna Javna í 1971.

Eyðun Joensen, sálafrøðingur:
"Talan er um grípandi, bersøgnan, hugvekjandi og samstundis væl frágingnan, sakligan lestur, sum fevnir um so mangt annað viðkomandi enn søguna um Janu, eldsálir, slóðbrótarar, umsorgan og ósvikaliga kærleika næstringanna. Eg vænti og vóni, at bókin um Janu verður væl fagnað, nógv lisin og verður við til at kveikja vaksandi samhaldsfesti í okkum mongu, sum góðvarin bara taka tað sum eina sjálvfylgju at sleppa snikkaleys gjøgnum lívið."